Монгол, Туркийн Засгийн газрын хооронд 2018 онд байгуулсан “Нийгмийн хамгааллын хэлэлцээр”-ийг хоёр тал соёрхон баталснаар 2021 оны 3 дугаар сарын 1-ний өдрөөс эхлэн хүчин төгөлдөр болсон.
Туркийн Зүүн өмнөд хэсгийн Газиантеп, Хатая, Османие, Адияман, Диярбакир, Шанлиурфа, Кахраманмараш, Адана, Малатя зэрэг томоохон 10 хотыг хамарсан бүс нутагт Даваа гарагийн өглөө 7,8 баллын хүчтэй газар хөдлөлт болж, улмаар олон хүний амь нас хохирч, ихээхэн хэмжээний эвдрэл сүйрэл учраад байна. Дээрх бүс нутагт 5-6 баллын хүчтэй хөдлөлтүүд бүртгэгдсээр байна. Иймд Туркийн Засгийн газар гамшгийн аюулын хамгийн өндөр түвшинд шилжиж, гамшигт нэрвэгдсэн мужуудад гурван сарын хугацаатай онц байдал зарлаад байна.
Иймд иргэдийг тухайн бүс нутагт зорчихгүй байж, орон нутгийн засаг захиргаа, эрх баригчдын өгч буй аливаа зааварчилга, зөвлөмжийг мөрдөхийг хүсье.
Монгол соёл, уламжлалыг түгээн сурталчлах ажлын хүрээнд тус ЭСЯ үндэсний дээл хувцасны “Монгол костюмс” ХХК, “Сэмүүн” студийн хамтран бүтээсэн “Монгол хувцасны нууц товчоон” баримтат киног албан ёсны эрхтэйгээр турк хэл рүү хөрвүүлснийг Туркийн ТРТ АВАЗ сувгаар 3 дугаар сарын 26 өдрийн 13:00 цагт нэвтрүүлэхээр болоод байна.
Энэхүү баримтат кино нь “Монгол костюмс” ХХК-ий 20 гаруй жилийн хугацаанд хэрэгжүүлж буй “Монгол хувцасны нууц товчоон” төслийн бүтээл бөгөөд эх орныхоо нийт 40 гаруй газар нутаг, гадаадын 16 орноор эрэл хайгуул хийж, түүхч археологичид, эрдэмтэн судлаач, загвар зохион бүтээгч, төрийн болон төрийн бус байгууллагуудтай хамтран ажиллаж Монгол үндэсний хувцасны язгуур соёл, уламжлалыг өргөн хүрээнд судалж бүтээсэн юм.
Та бүхэн тухлан сууж, таалан болгооно уу.
Наадмын 2023 оны 7 дугаар сарын 10-14-ний өдрүүдэд ЭСЯ ажиллахгүй болно.
БНТУ-д ажиллаж амьдарч байгаа өөрийн орны иргэдтэй хийх ээлжит уулзалтыг 2023.10.21-ний Бямба гарагт 11:00, 15:00 цагуудад Истанбул хот дахь Ерөнхий Консулын газрын байранд зохион байгуулна. Уулзалтад Элчин сайд, Ерөнхий Консул болон холбогдох албан хаагчид та бүхний санал хүсэлт болон тулгамдаж буй асуудлаар нээлттэй ярилцана.
Иргэдийн анхааралд
Хэрэв иргэд Туркэд байх хугацаагаа сунгуулах бол хүсэлтээ өөрийн оршин суугаа хотын Туркийн Шилжилт Хөдөлгөөний Газрын салбарт өөрийн биеэр эсвэл цахим хэлбэрээр гаргах шаардлагатай. Ингэж хүсэлт гаргах нь Туркийн холбогдох хууль, тогтоомжоор зөвшөөрөгдсөн болно.
