ЭЛЧИН САЙД Р.БОЛД ЭСКИШЕХИР ХОТОД АМЬДАРЧ БУЙ МОНГОЛ ОЮУТНУУДТАЙ УУЛЗАВ

• 2020-08-28

Элчин сайд Р.Болд Эскишехир хотод ажиллав

МЭДЭЭЛЭЛ

• 2020-06-19

Истанбул хотод амьдарч буй иргэдийн зүгээс Монгол Улс руу дахин тусгай захиалгат нислэг хийгдэх эсэх талаар асуух, хандах явдал их байна. Истанбул хотод суугаа ЕКГ-ын зүгээс 2020 оны 03 дугаар сарын 15-наас эхлэн  istnisleghuselt@gmail.com цахим хаяг нээн Монгол Улс руу зорчих хүсэлтэй байгаа иргэдийн бүртгэлийг хийж байгаа бөгөөд мэйл хаягаар нэрс авах нь Монгол Улс руу буцаана гэсэн баталгаа биш болохыг анхаарна уу. 

Теле хичээл

• 2020-06-04

БСШУСЯ, Харилцаа холбоо, мэдээллийн технологийн газар хамтран ерөнхий боловсролын сурагчдад зориулсан

Улаанбаатар-Истанбулын чиглэлийн тусгай үүргийн нислэгээр 246 иргэн эх орондоо буцлаа

• 2020-09-30

2020 оны 9 дүгээр сарын 18-ний өдөр Улаанбаатар-Истанбул-Улаанбаатарын чиглэлийн тусгай үүргийн онгоцоор 246 иргэн эх орондоо буцлаа. Истанбулд суугаа ЕКГ-т 9 дүгээр сарын 12-ны өдрийн байдлаар эх орондоо буцах өргөдлөө  939 иргэн  өгснийг УОК-т хүргүүлсэн болно. Улмаар УОК-оос энэ удаагийн нислэгт багтах шаардлага хангасан хэмээн 251 иргэний нэрсийг ирүүлсэн юм.

Истанбулын нисэх буудалд нислэгийн бүртгэлийг иргэдийн визийн асуудалтай холбогдуулан төлөвлөсөн цагаас 30 минутын өмнө эхлүүлэх хүсэлтийг Туркийн талд ЕКГ-аас тавьж шийдвэрлүүлэн бүртгэлийг өглөөний 8:20 минутад эхлүүлсэн. Харамсалтай нь, энэ үеэр манай улсын 5 иргэн бичиг баримтын болон бусад зөрчилтэй нь тогтоогдож, улмаар Туркийн тал дээрх иргэдийг саатуулснаас  нислэгт багтаагүй болно. Түүнчлэн 67 иргэн визийн болон бусад зөрчилтэй нь тогтоогдож, Туркийн талаас дээрх иргэдийн заримд торгууль оногдуулах, торгууль төлөхөөс татгалзсан зарим иргэдэд 3-5 жилийн хугацаатай тус улсын хилээр орохыг хориглосон арга хэмжээ авав.

Иймд тусгай үүргийн нислэгт хамрагдсан иргэд суугаа орны хууль тогтоомжийг чандлан мөрдөж, бусдын бичиг баримтаар хил нэвтрэхийг оролдох, ашиглах, суугаа орны хилээр нэвтэрсэн тухай дардсыг хуурамчаар хийлгэх зэрэг хариуцлагагүй үйлдэл гаргахгүй байхыг анхааруулж байна. Энэ тохиолдолд туркийн тал Таныг хил нэвтрүүлэхгүйгээр зогсохгүй эрүүгийн хэрэг үүсгэх хүртэл арга хэмжээ авч байгааг анхаарна уу.

Олон улсын найрамдлын өдөрлөгт оролцов

• 2022-05-17

ЭСЯ Анкара хотын Хажеттепе их сургуулиас 12 дахь удаагаа зохион байгуулж байгаа “Олон улсын найрамдлын өдөрлөг”-т амжилттай оролцов. Энэ удаагийн өдөрлөгт АНУ, Итали, Япон, БНСУ, Энэтхэг, Молдав, Чех, Гүрж, Украин, Тайвань, Иран, Ирак, Пакистан, Индонези зэрэг гадаадын 30 орны төлөөлөл оролцсоноос Энэтхэг, Иран, Монгол, Украин, Йемен, Зааны ясан эрэг, Бенин, Палестин, Шри Ланка зэрэг есөн улсын ДТГ 10-15 минутын урлагийн үзүүлбэр үзүүлж, Чехийн ЭСЯ дугуйн уралдаан зохион байгуулж оролцов. Өдөрлөгийн үеэр оролцогсод үндэсний хоолны амталгаа явуулах, эх орондоо үйлдвэрлэсэн бараа бүтээгдэхүүн, сурталчилгааны материал тараах, үндэсний бичиг, хувцас, соёлтой танилцуулах зэрэг үйл ажиллагаа явуулав.

“МОНГОЛ УЛС, ТУРК УЛСЫН ЗАСГИЙН ГАЗАР ХООРОНДЫН НИЙГМИЙН ХАМГААЛЛЫН ХЭЛЭЛЦЭЭР” ХҮЧИН ТӨГӨЛДӨР БОЛОВ

• 2020-10-05

 “Монгол Улс, БНТурк Улсын Засгийн газар хоорондын Нийгмийн хамгааллын хэлэлцээр”-ийг хүчин төгөлдөр болгох тухай Ерөнхийлөгчийн зарлиг 9 дүгээр сарын 24-ний өдөр гарав. Тус хэлэлцээрийг 2018 онд дээд, өндөр түвшний айлчлалын үеэр байгуулж, манай Улсын их хурал мөн ондоо соёрхон баталсан. Туркийн Үндэсний их хурал хэлэлцээрийг 2020 оны 4 дүгээр сард соёрхон баталсан бөгөөд хэлэлцээр батлагдсанаар Турк улсад хууль ёсоор ажиллаж, амьдарч байгаа манай иргэдийн тус улсад ажилласан хугацааг нийгмийн даатгалын шимтгэл төлсөн хугацаанд нэгтгэн тооцно, ингэснээр БНТУ болон Монгол Улсын аль алинд нь тэтгэвэр тогтоолгох, авах боломжтой болно.