Монгол, Турк улсын дипломат харилцаа тогтоосны 50 жилийн ойд зориулсан “Хагас зууны түүх ба хөгжлийн чиг хандлага” эрдэм шинжилгээний хурал 2019 оны 6 дугаар сарын 07-ны өдөр Төрийн ордонд болов. Энэхүү олон улсын эрдэм шинжилгээний хуралд хоёр орны харилцаа, хамтын ажиллагаа, худалдаа, эдийн засаг, түүх, соёлын талаар эрдэмтэн судлаачид илтгэл тавьж, хоёр орны харилцааг бүхий л талаас нь хэлэлцсэн юм. Эрдэм шинжилгээний хурлыг Монгол Улсын Шинжлэх Ухааны академийн Олон Улсын харилцааны хүрээлэн, Монгол Улсад суугаа Бүгд Найрамдах Турк Улсын Элчин сайдын яам, Туркэд төгсөгчдийн Хамтын Ажиллагааны нийгэмлэг “АТА”-тай хамтран зохион байгуулав.
