Туркийн Ойрхи Дорнодын Төрийн Захиргааны институт өөрийн санаачилгаар Төв аймгийн Эрдэнэ сумын нутагт орших эртний Түрэгийн хаант улсын Билгэ хааны зөвлөх мэргэн сайд Тоньюкукт зориулан босгосон тахилын хөшөөний гантиг чулуугаар уралсан хувилбарыг байгууллагынхаа төв хаалганы өмнө байрлуулж, Монгол-Турк улсын дипломат харилцаа тогтоосны 50 жилийн ойг угтсан эрдэм шинжилгээний хурлын үеэр хөшөөний нээлтийг хийв. Хөшөөг Хажеттепе их сургуулийн Дүрслэх урлагийн факультетийн багш нар урласан бөгөөд, хөшөө нь 3 тонн жинтэй, 2.50 метр өндөртэй бөгөөд энэ нь Анкара хотноо байршуулагдсан Монголын түүх дурсгалтай холбоотой хоёр дахь хөшөө юм.
