Тус сургуульд дэлхийн 100 гаруй улсаас оюутан залуус суралцдаг бөгөөд жил бүр энэхүү өдөрлөгийг өргөн хүрээтэй зохион байгуулдаг аж. Уг арга хэмжээнд тус их сургуулийн Монгол оюутнууд үндэсний бүжиг дуугаараа мэндчилгээ дэвшүүлж, өөрсдийн түүх, бичиг соёлын үнэт зүйлсээ сурталчлан, таниулан амжилттай оролцлоо. Калиграф бичиг, үндэсний хэв шинжийг агуулсан орчин үеийн бүжиг нь Монгол түүх соёлыг өвөрмөц байдлаар таниулав. Уг арга хэмжээнд оролцсон оюутнууддаа Анкарад суугаа Элчин сайдын яамны зүгээс туслалцаа, дэмжлэг үзүүлж ажиллав.
